મારા કાળજે કટારી વાગી તો ગઈ

મારા કાળજે કટારી વાગી તો ગઈ, આંખો પણ એની ભીંજાઈ તો ગઈ,

જાણે અજાણે મને જાકારો દઈ ગઈ, પછીથી પણ એ પાછી આવી તો ગઈ,
મારા સપનાને એ સજાવી તો ગઈ, મારી નીંદરને એ તો હલાવી ને ગઈ,
મારા કાળજે કટારી વાગી તો ગઈ, આંખો પણ એની ભીંજાઈ તો ગઈ,
દિલ અને દોલતના પારખા દઈ ગઈ, દિલની એ બાજી જીતાવીને ગઈ,
હારેલી બાજી એ પધરાવીને ગઈ, દિલના દિલાશા પણ આપીને ગઈ,
કેટ કેટલી કરી લઉં જીદ પામવાની, પણ સમયને એ તો સમજાવીને ગઈ,
મારા કાળજે કટારી વાગી તો ગઈ, આંખો પણ એની ભીંજાઈ તો ગઈ,
દુનિયાની રસમો કે ન રીતોની પરવા, પ્રેમ થકી મને બધું બતાવીને ગઈ,
કોણ કોના પર આફરીન થઇ જાય અહી, એ શબ્દોને પણ મનાવીને ગઈ,
મારા ભરોસે એ દુનિયા છોડી ગઈ, 'ને આંખો પણ કેમ ભીંજાઈ તો ગઈ,
મારા કાળજે કટારી વાગી તો ગઈ, આંખો પણ મારી ભીંજાઈ તો ગઈ.



"વિરલ...રાહી"
૨૫/૦૪/૨૦૧૧

અહી થઇ છે પ્રીત

આ દુનિયામાં કોની થઇ છે જીત, મારી અને તારી અહી થઇ છે પ્રીત,


રામ અને સીતા ક્યાં મળ્યા 'તા, જીવતા જીવ એ તો સતી બન્યા 'તા,

રાધા અને શ્યામ એકમેક થયા 'તા, પણ એ તો ક્યાં સંગાથ રહ્યા 'તા,

મીરાં પણ બાવરી થઇ તો હતી..!! ભક્તિમાં જ એ તો કાનાની થઇ 'તી,

એક આગળ 'ને બીજો પાછળ છે, દોડા દોડા અમથી જ રોજ રોજ હોય છે,,

કોઈ દોડે અમથું જ પૈસા પાછળ 'ને, કોઈ જુવાનીના આંબળ ચડાવે છે,

લાલચ જીવનમાં ઘર કરી જાય છે, આપણે જ પ્લોટ ખાલી ભેટ ધર્યો છે,

ભક્તિ કે શક્તિ નથી મારા મનમાં કેમ, નામ પ્રભુનું ક્યાં કોઈ 'દી રટ્યુ છે.?

રોજ શતરંજ એમ કેમ લોકો રમે છે, શતરંજની બાજી માં પોતે જ રડે છે,

માફી નથી મળતી મને આ જ દુનિયામાં, હિસાબ હજુ કેટલા બાકી નડે છે,

મનમાં જ મારા તુફાન ઉભું થાય છે, આંધી કેમ કરી શાંત બની વાય છે,

રણ જેવા કોરા આ મારા જીવનમાં, પ્રેમ ની આંધી તું કેમ કરી લાવી છો.?

મતલબી લોકો આહી એમ જ ભીટકાય છે, મારા જીવનમાં પથ્હાર ફેંકાય છે,

રામ, શ્યામ, રાધા, સીતા ક્યાં હવે થાય છે, મીરાંના નામે અહી કોણ પૂજાય છે?

દુનિયા અમથી જ ક્યાં ઉપકાર કરે છે, એમ જ હારવામાં લોકો કેમ નડે છે...??

મારી અને તારી અહી થઇ છે પ્રીત, જોને જીવનમાં મારા કેવી રહી છે રીત..





"વિરલ...રાહી"

૨૧/૦૪/૨૦૧૧

તમારી હથેળીમાં કોઈ જવાબ નૈ મળે

તમારી હથેળીમાં કોઈ જવાબ નૈ મળે, કિસ્મતના સિતારાઓના હિસાબ નૈ મળે,

દુનિયાની રોનક કૈક ઓર જ હોય છે, આ વાતમાં જ કંઈ મારો જવાબ નૈ મળે,

વરસતા વરસાદની અને ગર્જનાવોની, આ ખાબોચિયામાં કંઈ ધાર નૈ મળે,

ભીના ભીના ઉડતા પારેવાની નાની અમથી, ઉડતી ડગરીયો શોધે પણ નૈ મળે,

ક્યાં વાત ક્યાં રાત ક્યાં ભાત ક્યાં જાત, આ બધાનું તો અમથું જ કઈ કામ નૈ રહે,

તમારી અને મારી વચ્ચે ક્યાં છે દુશ્મની? આમ જ દુનિયાના કોઈ દસ્તુર નૈ મળે,

વાત અમથી જ કરી હું કંઈ જતો નથી, આ બધું જીવન માં કોઈ વાર નૈ મળે,

એક વાર પ્રેમ અને બીજી વાર વહેમ, આ શું છે તને કોઈ સાથી ક્યાં મળે...???

મારી હથેળી તો ખાલી જ હોય છે, બાકી હું જ મારું ને હું જ તારું છું જાત મારી,

તમારી હથેળીમાં કોઈ જવાબ નૈ મળે, કિસ્મતના સિતારાઓના હિસાબ નૈ મળે,

જીવનના દરેક મોડ પર ખાલી ઉભો છું, અહીતો અમસ્તી કોઈ વાટ ક્યાંથી મળે...???

મારા જીવનમાં ખાલીપણાનો કોઈ ભાસ નથી, પણ, તમારી હથેળીમાં કોઈ જવાબ નૈ મળે...!!!