હું આવ્યો... હું લાવ્યો...

મસ્ત હતું મારું જીવન, પણ વિચાર તારો આવ્યો,


ભૂલી ગયો કે હું નથી, પણ જાત મારી હું લાવ્યો,

ના જોયું તે મારી સામે, બસ ખેદ ભૂલી હું આવ્યો,

સપના મારા નથી, તોયે એ જ સપના હું લાવ્યો,

ભ્રમ હતો કે શું મારો, હું તમ માનસમાં કેમ આવ્યો,

યાદો મારી તમ સાથ, જાત અમથી જ હું લાવ્યો,

શબ્દે શબ્દે વિચારો 'ને, તમ ચિત્રપટ માં હું આવ્યો,

અંતરાઓ પછી શું ??? અંતર જીવનમાં કેમ લાવ્યો,

બસ એજ પળ હું રડ્યો, જ્યાં વિચાર તારો આવ્યો,

બસ એ દી' હું જ, તમ સામે મારી જાત જોને લાવ્યો,

ચલ છોડ આ તો ચાલશે, જો હું જીવન બનીને આવ્યો,

જીવનની દરેક યાદોનો, ખઝાનો મારી સંગ લાવ્યો,

તારા વિચારે હું અટવાયો, પણ ઘરે જ પાછો આવ્યો,

કેમે મને પણ ના સમજાયું, કે હું જાત મારી જ લાવ્યો..



"વિરલ...રાહી"

૧૭/૦૫/૨૦૧૧